Шың басынан құлдырап,
Құлап аққан тас бұлақ.
Әлденені былдырап,
Айтатындай тұр құлақ.
Әй, балалар, балалар,
Тентекке не шара бар?
Суымды тұнық лайлап,
Мәз боп санын сабалар.
Лақтырып небір қоқысты,
Жағамды сол қоқытты.
Арнама әкеп төгеді,
Күл қоқысты, боқтықты.
Әй, балалар, тентектер,
Басып қансаң шөліңді,
Ластамаңдар төрімді!
Өтінемін сендерден!-
Деп тұрғандай көрінді.
Сүлеймен Баязитов
Muxit
